|
ADB បានផ្ដល់ថវិកាតាមរយៈគម្រោងពង្រឹងវិស័យអប់រំបណ្ដុះបណ្ដាលបច្ចេកទេស និងវិជ្ជាជីវៈនៅកម្ពុជា |
 |
 |
 |
|
និពន្ធដោយ Administrator
|
|
ថ្ងៃអង្គារ ទី08 ឧសភា ឆ្នាំ2012 ម៉ោង03:30 |
|
ពុំមានការបកប្រែ។
 ភ្នំពេញ៖ សិក្ខាសាលាស្ដីពីការពិនិត្យ និងអនុម័តស្ដង់ដារសមត្ថភាពផ្នែកសេវាកម្មធុរៈកិច្ច និង ICT កម្មវិធីសិក្សាផ្អែកលើសមត្ថភាពផ្នែកសំណង់ និងមេកានិកដោយអនុគណៈកម្មការស្ដង់ដារជាតិសមត្ថភាព និងធ្វើតេស្ដត្រូវបានរៀបចំធ្វើឡើងកាលពីថ្ងៃទី០៣ ខែឧសភា ឆ្នាំ២០១២ នៅសណ្ឋាគារអ៊ីម៉ាវារី។
ឯកឧត្ដម ប៊ុន ភារិន ប្រធានអនុគណៈកម្មការស្ដង់ដារជាតិសមត្ថភាព និងធ្វើតេស្ដ មានប្រសាសន៍ថា បច្ចុប្បន្ននេះ បណ្ដាសហគ្រាសក្នុងស្រុកទាំងឡាយត្រូវតែធ្វើការប្រកួតប្រជែងដោយចំហរជាមួយសហគ្រាសពហុជាតិផ្សេងៗទៀត ដែលស្ថិតក្នុងប្រទេស និងក្នុងតំបន់ហើយសមត្ថភាពសេដ្ឋកិច្ចមួយ ដើម្បីផ្គត់ផ្គង់ជំនាញដែលមានគុណភាពគ្រប់គ្រាន់ និងមានភាពឆ្លើយតបកាន់តែមានឥទ្ធិពលខ្លាំងឡើងទៅលើការប្រកួតប្រជែងនេះ។
ការផ្គត់ផ្គង់កម្លាំងពលកម្មជំនាញប្រកបដោយគុណភាព និងភាពឆ្លើយតបទៅនិងបច្ចេកទេសថ្មី ដំណើរការសកម្មភាពការងារ និងផលិតកម្មផលិតភាពនៃផលិតផល និងស្ដង់ដារគុណភាពនឹងចូលរួមចំណែកពង្រឹងសមត្ថភាពជាតិក្នុងការទាក់ទាញផ្នែកឧស្សាហកម្មមកធ្វើវិនិយោគទុនក្នុងប្រទេសយើងកាន់តែច្រើនឡើង ហើយកម្លាំងពលកម្មជំនាញប្រកបដោយគុណភាព និងភាពឆ្លើយតបនេះដែលសមត្ថភាពរបស់ពួកគេមានឥទ្ធិពលក្នុងការធ្វើ ចលភាពលើទីផ្សារការងារទាំងក្នុងប្រទេសក្នុងតំបន់ និងអន្តរជាតិ៕
|
|
កែចុងក្រោយនៅ ថ្ងៃសុក្រ ទី18 ឧសភា ឆ្នាំ2012 ម៉ោង05:02 |
|
|
សិក្ខាសាលាថ្នាក់ជាតិស្ដីពីគោលនយោបាយនៃការអប់រំបណ្ដុះបណ្ដាលបច្ចេកទេស និងវិជ្ជាជីវៈនៅកម្ពុជា |
|
|
|
|
និពន្ធដោយ Administrator
|
|
ថ្ងៃអង្គារ ទី10 មេសា ឆ្នាំ2012 ម៉ោង09:03 |
|
ពុំមានការបកប្រែ។
ភ្នំពេញ៖ សិក្ខាសាលាថ្នាក់ជាតិស្ដីពីគោលនយោបាយនៃការអប់រំបណ្ដុះបណ្ដាលបច្ចេកទេស និងវិជ្ជាជីវៈនៅកម្ពុជាដែលរៀបចំឧបត្ថម្ភដោយអង្គការ UNESCO ត្រូវបានបើកនាព្រឹកថ្ងៃទី១០ ខែមេសា ឆ្នាំ២០១២ នៅសណ្ឋាគារ SUNWAY ក្រោមអធិបតីភាពឯកឧត្ដមបណ្ឌិត ពេជ សោភ័ន រដ្ឋលេខាធិការក្រសួងការងារ និងបណ្ដុះបណ្ដាល និងវិជ្ជាជីវៈ និងជានាយកគម្រោង STVET។
ឯកឧត្ដម ពេជ សោភ័ន មានប្រសាសន៍ថា ការអប់រំបណ្ដុះបណ្ដាលបច្ចេកទេស និងវិជ្ជាជីវៈបច្ចុប្បន្នមិនទាន់បានឆ្លើយតបតាមទីផ្សារទេ ដូចនេះថ្នាក់ដឹកនាំគ្រប់វិទ្យាស្ថានបណ្ដុះបណ្ដាលវិជ្ជាជីវៈទាំងអស់ត្រូវពង្រឹងការបណ្ដុះបណ្ដាលតម្រូវតាមទីផ្សារ និងទាមទារត្រូវតែមានគុណភាពដែលជាកត្តាសំខាន់ក្នុងការប្រកួតប្រជែងលើទីផ្សារក្នុងប្រទេសជាសមាគមអាស៊ាន ។
ឯកឧត្ដមបានលើកឡើងថា តាមរយៈកំណែទម្រង់ និងការអភិវឌ្ឍន៍វិស័យអប់រំបណ្ដុះបណ្ដាលបច្ចេកទេស និងវិជ្ជាជីវៈនៅកម្ពុជានៅក្នុងទសវត្សរ៍ឆ្នាំ១៩៩០ អង្គការពលកម្មអន្តរជាតិបានជួយស្ដារ និងកសាងមជ្ឈមណ្ឌលបណ្ដុះបណ្ដាលវិជ្ជាជីវៈនៅតាមបណ្ដាខេត្ត ៧ ដើម្បីបណ្ដុះបណ្ដាលជំនាញជូនកងទ័ពរំសាយ និងជនភៀសខ្លួនកម្ពុជាបន្ទាប់ពីប្រទេសជាតិបានទទួលសុខសន្តិភាព។ អង្គការ ILO បានធ្វើកិច្ចសហប្រតិបត្តិការជាមួយក្រសួងការងារ និងបណ្ដុះបណ្ដាលវិជ្ជាជីវៈក្នុងទិសដៅ ដើម្បីអភិវឌ្ឍការអប់រំបណ្ដុះបណ្ដាលបច្ចេកទេស និងវិជ្ជាជីវៈនៅក្នុងប្រទេសកម្ពុជាឱ្យមានភាពរីកចំរើន និងកាត់បន្ថយអត្រាអ្នកគ្មានការងារធ្វើនៅកម្ពុជា៕
|
|
កែចុងក្រោយនៅ ថ្ងៃអង្គារ ទី10 មេសា ឆ្នាំ2012 ម៉ោង09:23 |
|
|
|
|
<< ចាប់ផ្ដើម < មុន 1 2 3 4 បន្ទាប់ > ចុងក្រោយ >>
|
|
ទំព័រទី 1 ទាំងអស់ 4 ទំព័រ |
